منتديات كونامى للابد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
انتظروا المنتدى بثوبه الجديد : اقسام جديدة بافكار جديدة مواضيع جديدة واحدث الباتشات والالعاب ... الخ قريبا ان شاء الله
***
منتديات كونامى للابد
::
°¨¨™¤¦ الاقسام العامة ¦¤™¨¨°
::
منتدى الألعاب
موضوع شامل عن طريقة تسطيب وتشغيل الألعاب وحل المشاكل اللي بتقابل الأعضاء
كاتب الموضوع
رسالة
E L P R O F
::المدير العام الاول::
الجنس
:
المشاركات
:
1478
النقاط
:
181094
معدل تقيم المستوى
:
762
الجنسية
:
مصرى
الاقامة
:
الاسكندرية
تاريخ التسجيل
:
11/06/2011
اللعبة المفضلة
:
موضوع: موضوع شامل عن طريقة تسطيب وتشغيل الألعاب وحل المشاكل اللي بتقابل الأعضاء
الأحد 24 يوليو - 1:33
أخواني أعضاء وزوار
كونامى للابد
لكثرة الشكاوى تم عمل هذا الموضوع ويشمل جزئين
1- طرية تشغيل الألعاب بمختلف انواعها
2- حل لأشهر المشاكل اللي بتقابل الكثير من لأعضاء
أولا : طريقة تشغيل الألعاب .
لتسطيب الألعاب فيه نوعين من الألعاب اللي بتترفع على المنتدى
1 - الألعاب الفل ريب ( Full Ripped ) او الريب
2 - الألعاب الأيسو
1 - الألعاب الفل ريب
دي اسهل الألعاب من حيث طريقة التسطيب .. لانها بتبقى تقريبا بورتابل ولكن مضغوطة ببرامج ضغط معينة
وبيكون تسطيبها عن طريق ملف الباتش الموجود مع اللعبة زي ( setup.bat - Unpack.bat - install.bat )
وبيتم الضغط عليه فقط والانتظار حتى يتم الأنتهاء من التسطيب وبعدها تبدأ اللعبة مباشرة
مثلا زي الصورة دي
اعتقد النوع دع من الألعاب مفيش اي مشاكل فيه
2 - الألعاب الفل ايسو
الألعاب دي بتكون موجودة على صور كتيرة
يعني ممكن تلاقيها مكتوبة ( Full Iso - Reloaded - Repack .... )
كل الصور دي للالعاب بتبقى ايسو وبتتسطب ببرامج اسطوانات وهمية .. أفضلهم في رايي Power Iso
وده لينك البرنامج Power Iso 4.4 ممكن تحمله من هنــــا
عشان تسطب الالعاب دي لازم يكون البرنامج ده متسطب
ملحوظة هامة جداااا : وانت بتسطب البرنامج ده تاخد بالك من الخطوة دي
لازم تعلم على كل الإمتدادت عشان فيه العاب امتداها iso وفيه العاب امتدادها مثلا Bin
فعشان ميحصلش اي مشاكل بعد كده لازم تحددو كل الامتدادت
وطريقة تسطيب اللعبة بالباور ايسو سهلة جدا
1- بتضغط كليك يمين على الملف الايسو او البين اللي عندك ( الناتج من فك الضغط )
2- تعمل زي الصورة دي
3- هتلاقي اللعبة اما انا فتحتلك اوتوماتيك فولدر اللعبة اللي فيها ايكونة التسطيب .. او اللعبة انضافت في محركت
الاسطوانات الوهمية اللي موجود في My Computer جمب البارتشنات بتاعتك وفي الحالتين تقدر تفتح فولدر اللعبة
وتبدأ التسطيب وعادة مابيكون ملف التسطيب بالاسم ده setup.exe
4 - الخطوة دي مش دايما بس في معظم الألعاب الايسو بتكون موجودة .. وهيه نقل الكراك
والكراك بيكون موجود بردو في فولدر اللعبة اللي طلعلك وسطبت منه اللعبة وطبعا بيبقى مشار ليه في الموضوع
اقتباس:
* فيه العاب بتبقى معمولة على أكتر من ملف أيسو او أكتر من ملف بين
التسطيب بيكون بنفس الطريقة بس بتحرق الملف الاول وتدخل عادي تبدأ التسطيب لحد مايطلب منك الملف التاني
متكنسلش التسطيب .. تسيبه وتروح تعمل كليك يمين على الملف التاني وتشغله بالباور ايسو وترجع للتسطيب
تدوس اوكى
وبردو بنفس الطريقة لو اكتر من ملفين
وده تاني نوع من الألعاب
2- مشاكل الألعاب
اقتباس:
قبل ماتلكم عن المشاكل اللي ممكن تقابل الأعضاء
أحب أوضح ان أي لعبة الأعضاء بترفعها بتتراجع وبالتلي مبتتنقلش القسم الا لما بنتأكد انها سليمة
ولو أي لعبة حد من المشرفين رافعها بيبقى لازم مجربها ومتأكد انها شغالة
فعشان كده اي عضو تقابله مشكلة ميدخلش يقول كلام ملوش لزمة لان المشكلة بنسبة كبيرة من عنده
ولو مش عنده يبقى اكيد بردو ليها حل
ولو اي عضو قابلته مشكلة في اللعبة يتصرف كالاتي
1- يرد في الموضوع ويوضح المشكلة اللي قابلته
2- لو صاحب الموضوع او اي حد مردش عليه ( وده عادي لان صعب كل واحد يتابع كل مواضيعه ) يبعتله رسالة
يبنبهه للمشكلة
3 - لو صاحب الموضوع مردش عليه يبعت رسالة في الملف الشخصي لاي من
Maystro
UnderCover
Youregy
وبكده المشكلة بتاعته هتتحل ان شاء الله
واتمنى من أي عضو قبل مايحمل أي لعبة يقرا متطلبات التشغيل بتاعتها كويس جداا
ولما يحملها يسطبها بالطريقة اللي اللي موضحه في الموضوع
وكمان يحمل البرامج المرفقة مع اللعبة في الموضوع
نيجي لأشهر المشاكل ..
1 - الشاشة السودا او الخروج من اللعبة وظهور رسالة Dont Send
للاسف المشكلة دي بتبقى لاكتر من سبب
* اما اللعبة نفسها مش سليمة او ناقصة ملفات ( وده طبعا مبيحصلش هنا )
* او اللعبة بتحتاج امكانيات اعلى من كارت الشاشة
* او الويندوز فيه مشكلة
وفي كل الحالات حل المشكلة دي مبيبقاش عند اللي عامل الموضوع او عند اي حد غير صاحب المشكلة نفسها
2 - ظهور الرسالة دي
اقتباس:
the aplication not installed coreectly or not installed .. reinstall it to solve the problem
الرسالة دي معناها ان اللعبة محتاجة ملف الريجستري عشان تشتغل وبيبقى موجود في فولدر اللعبة
وعادة مابيكون بالاسم ده reg.reg
وسبب الرسالة دي .. ان اللعبة مش متسطبة على الجهاز ده او منقولة وهيه متسطبة جاهزة وفي كل الاحوال
الرسالة دي مش مشكلة لان حلها بسيط وبيكون موجود مع ملفات اللعبة
3 - المشكلة الأشهر بين الأعضاء وهيه نقص ملفات في اللعبة مثلا زي dx3dx_31.dll
أحب اوضح ان المشكلة دي مبتبقاش عيب من اللعبة ولا هيه نقص ملفات ولا حاجة
دي بتبقى نقص ملفات Dll في الويندوز
وليها أكتر من حل وحلولها سهلة جدااا
1 - تسطيب اصدار مناسب من الدايركت اكس Dirext X
2 - الحصول على الملف اللي ناقص ونسخه في ملفت الويندوز في المسار ده :: C:/ Windows / System32
عشان كده انا جمعت كل ملفات ال Dll في ملف واحد مضغوطين من 65 ميجا الى 20 ميجا
واي حد تقابلة المشكلة دي ينزل الملف ده وينسخ الملفات اللي طلعتله في المسار اللي وضحته
لتحميل معظم ملفات ال Dll من هنــــــــا
4 - ظهور رسالة في مضمونها ان physics loader مش متسطب او مش مدعوم
وطبعا الحل بيكون بتسطيب برنامج Agia Physics اللي بيكون موجود في الموضوع وكمان البرنامج ده
بيحسن أداء الألعاب لحد كبير وبيوضح الجرافيك بتاعها بصورة كبيرة
5- مشكلة فك الضغط للملفات
المشكلة دي ليها أكتر من سبب هذكرهم بالترتيب وعلى كل عضو يتأكد من الأسباب دي وكله هيبقى تمام
1 - سيرفر التحميل اللي بتحمل منه ممكن يبوظ الملف المضغوط خصوصا الميديا فاير
2- ايقاف التحميل اكتر من مرة أثناء التحميل ده في حد ذاته بيبوظ الملفات المضغوطة
3 - برنامج الوين رار نفسه مش سليم علشان كده ياريت تحملو أحدث اصدارت الوين رار
4 - مشكلة في الويندوز نفسه
ده طبعا بإهمال ان ممكن تكون اللعبة نفسها فيها مشكلة في فك الضغط لانها طالما اتراجعت تبقى سليمة
اي عضو تقابله المشكلة دي يحاول يعرف المشكلة من اي ملف ويحمله تاني ومن سيرفر غير اللي حمله منه
وده طبعا بعد تغيير اصدار الوين رار
كده ده ملخص لأشهر المشاكل اللي لاحظت انها بتقابل الأعضاء وأي مشكلة تظهر طبعا هضيفها في الموضوع
أتمنى يكون الموضوع مفيد ويستفيد منه كل الأعضاء
أعجبني
لم يعجبني
موضوع شامل عن طريقة تسطيب وتشغيل الألعاب وحل المشاكل اللي بتقابل الأعضاء
صفحة
1
من اصل
1
مواضيع مماثلة
مواضيع مماثلة
»
حصريا أحدث الألعاب الاستراتيجية .. Victoria ii كاملة بمساحة 700 ميجا على أكثر من سيرفر
»
حصريا .. أقوى ألعاب الرعب والأكشن Killing Floor Survival Horror نسخة دايركت بلاي بدون تسطيب بمساحة 3.5 جيجا على أكثر من سيرفر
»
حمل أروع الألعاب X-men 3 برابط واحد بسرعة صاروخية
»
قوانين قسم الألعاب الكاملة (يجب قرائتها حتى لا تعرض نفسك للطرد)
»
والآن مع أقوى الألعاب الإستراتيجيه وعدنا مع لعبة red alert2 الجديده
صلاحيات هذا المنتدى:
لاتستطيع
الرد على المواضيع في هذا المنتدى
منتديات كونامى للابد
::
°¨¨™¤¦ الاقسام العامة ¦¤™¨¨°
::
منتدى الألعاب
منتديات كونامى للابد
::
°¨¨™¤¦ الاقسام العامة ¦¤™¨¨°
::
منتدى الألعاب
انتقل الى:
اختر منتدى
|
|--°¨¨™¤¦ قسم التعديلات الخاصة باللعبة ¦¤™¨¨°
| |--الدعم الفنى و الاسئلة و الطلبات للـ PES
| |--البرامج الخاصة بتعديل اللعبة
| |--قسم الاعدادات والاونلاين
|
|--°¨¨™¤¦ قسم الباتشات الخاصة باللعبة ¦¤™¨¨°
| |--قسم باتشات PES 6
| |--قسم باتشات PES 2010
| |--قسم باتشات PES 2011
| |--قسم باتشات PES 2012
| |--قسم باتشات الــ FIFA
|
|--°¨¨™¤¦ قسم ملفات المعدلة للعبة ¦¤™¨¨°
| |--الكور و الوجوه و الاحذية
| | |--PES6
| | |--PES2009
| | |--PES2010
| | |--PES2011
| | |--PES2012
| |
| |--الاطقم و الشعارات
| | |--PES6
| | |--PES2009
| | |--PES2010
| | |--PES2011
| | |--PES2012
| |
| |--الملاعب و الاعلانات و الاسكوربورد
| |--PES6
| |--PES2009
| |--PES2010
| |--PES2011
| |--PES2012
|
|--°¨¨™¤¦ الاقسام العامة ¦¤™¨¨°
| |--المنتدى الاسلامى
| |--الضحك والفكاهة
| |--قسم البرامج العام
| |--منتدى الألعاب
| |--منتدى الرياضة العام
| |--قسم المصارعة العام
|
|--°¨¨™¤¦ التصميمات و الجرافيكس ¦¤™¨¨°
| |--قسم الجراَفكس
| |--دروس الفوتوشوب
| |--ملحقات الفوتوشوب
| |--قسم تصميمات الاعضاء
| |--قسم طلبات التصميم
|
|--°¨¨™¤¦ عالم الموسيقى والسينما ¦¤™¨¨°
| |--قسم الاغانى والكليبات
| |--قسم الافلام والمسلسلات
|
|--°¨¨™¤¦ الاقسام الادارية ¦¤™¨¨°
|--قسم الشكاوى والاقتراحات
|--القسم الادارى العام